Mark 3

1Yesu tasə sιʋ ka Siufə yəmpa sιrtə nampu ta, n nɔn yər nιr wι rənɔ ι nι səpa. 2Wompa ka wι rəna na wa ñel Yesu sə wa na sι kʋ sι kʋsə’ι Siufə yəmpa fistə ayʋkʋ rι ya. Nnɔn wa ci ya sə wa na wontə ta sarə ka ι la tə na, wa kʋ ι yəntə.

3Yesu kal yər ñι nι səpa na sə,”Kʋr n sənɖə yəra tən hιakʋ tɔ ce. 4“Fι nι kal yəra pa sə, “Ʋ sara s’ala sartə yəntə ka Siufə yəmpa fistə ayʋkʋ rə ya, a la wontə ta sar na kəna; a təlsə yər ya a kuι?” Ama sim rəkalkal.

5ι ñəl wa wa tən na ñan, ʋ wι ι tɔ tən ka wa hɔya ren rι nι kal yər sə,”ta ŋ hamparʋ.” ι ta kʋ wontə na Yesu la kʋ hι. 6Farisə yəmpa tιr wa li wa wal wan Erotə yəmpa akpar wa wι rι mɔsəm sə wa na wa lakə sənɔ sə wa kʋι.

7Yesu n’ι waratənkəra wa li wa wal lem cəkpɔlpə nɔ. Yəra akpaya təŋkʋ wa,ya liin na Kalile nən Sute, 8na Serusaliam,na Itume nən Surtιən wʋnɔ wara, nən Tirə, nən Sitɔn. Yəra kpatər na wontə ι lakə na wa kɔn ι ca.

9ι kal ι waratənkəra sə wa rɔn kpɨlu nι kpa kʋ ta wontə rι na yəra kpatər ka wι wa ñʋkʋι wa pιsʋ wa sə wa waι nasə. 10ι kanɖə yəra kpatər kʋtəmən, nən wompa tən ka wι na əntrɔ tə carʋ wa na wa kpan ι rι; waa cii wa sə wa tənkən’ι atekənʋ kəna.

11Alʋwatəntə tasarəm fisən naι na, ñι fetʋ atιɔ ι yəsa ta nən ñι ko nən ñι kalʋ sə,” N ci Ashia Wo kəna.” 12ι fətu ñι ren sə ñι ra yəl n‘asəm’ι.

13ι kpa wʋʋ rə, nι ya wompa ι ciwa na, wa kɔn ι cal. 14ι ləsə hiu na naʋl (ι ya sə tɨra :aposəl na), sə finι wa pιsə wa wι ι cal, nι pιsə nι tɨr wa wa hosə Ashia tɨam, 15nən wa wι na ren sə wa rʋn tasarəm fisən. 16ι ləsə hiu na naʋl: ι cəl Simɔ ka yəɖə sə Pιer : wʋntɨanʋ.

17Sakə, Sepete wo, na ι ral Sanə (ι ya wal sə Poanerkes tə kʋtəfiɖə sə: tuŋ nasər yia, wompa wι kʋɖəm sə tuŋ nastə na; 18na Antrι, na Filip, na Partelemi, na Matio, na Toma, na Alfe wo Sakə, na Tate, na Simɔ ñι nantə ta ñamsʋ na, 19nən Sutas isəkarιοtə, wo ñι kʋn s’ι wιtə’ι na.

20Yesu pəsə nι kɔn rɔ nə yəra kpatər wι tən, nən wa ta pιsə sə wa tʋ tʋnɔ. 21ι rιɔ yəmpa nι tə səmpɔ wontə na, wa kɔn sə wa kpen’ι, wontə rι na, wa sirʋ s’ι se kpɔn. 22Antaʋŋ təkarə mara mpa lɨnə Serusalιam na wal kalʋ sə,” Tasarəm fisən ci Pιelsepul carʋ naι,” nən “Na tasarəm fisən ñʋn ci kəna ι rʋnʋ ñι.”

23Yesu ya wa,nι wa kɔn ι tuκu wa acantuka sə, “Tasarəm fisən ci Satan lakə sənɔ s’ι rʋn ι tətərənka ι tι. 24Nnə Wʋrtə ntər tar tə ta mɔmɔ, tə rapιsə sə tə cɔ. 25Nən akper nιnɖəl tar rəta, ɖə rapιsə sə sənɖə.?”

26N’nə Satan lakə yeʋ na Satan, ʋ wʋlʋ sə ι tarə ι ta, ι rapιsə sə ι sənɖə, ama ι yəntə kpəra. 27Nnə nιr rapιsə sə’ι sι ren ci rɔ ta nι mιl ka ι ta hɔʋι nampi, ama, ι hɔkə’ι nampi sə fιnι pιsə nι mιl wontə wι ι rɔ ta na.

28Tʋfələm kəna ma kalʋ mι, a kʋ s’atιsən yər ka ι awarkasə ka sə tən, pa tan sartə wʋtasə nsə tən lɨnə yəra nιsə ta akʋn s’atιsən sə wa. 29Ama, wɔñι kʋ sə wʋtə tan sartə yəntə ka Fisu Sartə ñιnkʋ rə na, a kʋ s’a ra tιsə-nι atιsən-ʋ. Səmpə yər ñι la awarkɔ n karɔna cəkpɔlɔ ka tan tιsən-ʋ ka wʋsə sə wʋsə. 30Yesu ka kalʋ səmpə ka wontə rι na, wa kalʋ wa sə” ι wι ιn tansarəm fisu.”

31Yesu rii na ι rιɔafala wa tal wa sənɖə awaranɖι. Wa tir s’a yaι. 32Yəra kpatər ka kotιι rilantən, na kalι sə,” n rii na rιɔafala wι awaranɖι nə wa ci sə wa na sə n wιlɔ.”

33ι pəsən wa sə, “An ci ma rii nən ma rιɔafal. 34“ι kʋsə ι yəsa nι ñəl wompa ka co wa kotə’ι na, nι kal sə,” ι na ma rii na rιɔafala ka hən. Wontə rι na woñι la kə Ashia shɔləm na, yər ñι ci na ma rιɔafal, na ma rιɔwilʋ, na ma rii.”

35